وفادار دلبر وفائي ڪري وڃ.
هجر سوز دل سان ڀلائي ڪري وڃ.
نشيب و فراز آ سڄي زندگي ۾
ملڻ جي ڪري اچ سهائي ڪري وڃ
ڏسان ٿو مان تو کي ته وندري وڃاٿو
انهي جوت سان دلربائي ڪري وڃ
ستارن جي گردش آ ويجهو ڪيو پر
اچي پيار سان رونمائي ڪري وڃ
ڏسي مسڪرائي منڌل من ريجهائي
ڀلائي سڄڻ تون اها ئي ڪري وڃ
جڏهن تون اچين ٿو لهن پور سڀئي
اچي ڪو انهن جي ڪشائي ڪري وڃ
عجب ذات تنهنجي آ محبوب سائين
ڏکن ۽ ڏجهن جي ڏهائي ڪري وڃ
سڄڻ جي سچو آ ته آباد آ دنيا
حفن جي وفاسين خدائي ڪري وڃ