مڙس جي پرگهور لهڻ:
زال ٿيڻ ڪو معمولي يا سولو ڪم ناهي جو هر اَياڻي ڇو ڪري، اهو چڱيءَ ريت ڪري سگهي. زال ٿيڻ لاءِ سمجهه، ڏاهپ، هوشيارپ، اخلاق، سٺي چال چلت ۽ اهڙين ڪيترين ئي وصفن جي ضرورت هوندي آهي. جيڪا عورت پنهنجي مڙس جي دل تي حڪومت ڪرڻ چاهي تنهن کي گهرجي ته هوءَ کيس ڀلن ڪمن ڏانهن لاڙي ۽ بُرن ڪمن کان پري رکي، سندس صحت ۽ ڇڱ ڀلائي ۽ کاڌي پيتي جو خيال رکي ۽ کيس مان وارو، پيارو ۽ ٻاجهارو مڙس بنائڻ جي ڪوشش ڪري ته جيئن هو سندس ڪٽنب جو ڀرجهلو ۽ ٻارڙن جو سٺو پيار ڪندڙ پيءُ بنجي سگهي. الله سائين عورت کي هڪ غير معمو لي سگهه ۽ صلاحيت عطا ڪئي آهي. ڪٽنب جو ڀاڳ به سندس هٿن ۾هوندو آهي ته نڀاڳ پڻ- هوءُ جيڪڏهن چاهي ته گهر کي بهشت بنائي سگهي ٿي ۽ جي وڻيس ته انکي دوزخ ۾ بدلائي سگهي ٿي. هوءَ پنهنجي مڙس کي ترقيءَ جي چوٽيءَ تي به چاڙهي سگهي ٿي ته وري کيس تباهه پڻ ڪري سگهي ٿي. عورت جيڪڏهن ”مڙس جي سار سنڀال“ جي هنر کان سونهين هجي ۽ خدا پاڪ مٿس جيڪي ذميداريون وڌيون آهن تن کي پورو ڪري ته پوءِ خداپاڪ مٿس جيڪي ذميداريون وڌيون آهن تن کي پورو ڪري ته هوءَ هڪ عام يا نالائق مڙس کي به لائق مڙس ۽ صلاهيت وارو مڙس بنائي سگهي ٿي.
هڪ ڏاهي لکيو آهي ته، ”عورت وٽ هڪ عجيب سگهه هوندي آهي. هوءَ خدا جي مرضيءَ وانگر هوندي آهي. هوءَ پنهنجو پاڻ کي جيئن چاهيندي تيئن ٿي سگهندي.“
اسمائيلز چئي ٿو ته، ”جيڪڏهن ڪنهن فقير ۽ ڪنگلي شخص جي گهر ۾ هڪ پرهيز گار، ڀلاري ۽ اخلاق واري عورت آهي ته پوءِ اهو گهر آرام ۽ ڀاڳ وارو هنڌ ٿي سگهي ٿو.“
نپولين بونا پارٽ چئي ٿو ته، ” جيڪڏهن ڪنهن قوم جي ترقي ۽ تمدن جو ڪاٿو ڪرڻو هجي ته پوءِ ان قوم جي عورتن کي ڏسو.“
بالزاڪ چيو آهي ته، ”ڀلاري ۽ پرهيزگار عورت کانسواءِ گهر قبرستان جي مثل آهي.“
اسلام ۾ عورت جي فرضن کي ايتري ته اهميت ڏني وئي آهي جو انهن فرضن جي ادائگيءَ کي الله جي واٽ ۾ جهاد ڪرڻ جي برابر سمجهيو ويوآهي. حضرت علي رضه فرمائي ٿو ته، ”عورت جو جهاد اهو آهي ته هوءَ زال هجڻ جي ناتي سان پنهنجا فرض چڱيءَ ريت پورا ڪري.“
اسلام جي واڌاري، اسلامي ملڪن جي بچاءُ ۽ معاشري ۾ عدل ۽ انصاف قائم ڪرڻ لاءِ خدا جي واٽ ۾جهاد ڪرڻ هڪ تمام وڏي عبادت آهي، ان ڳالهه کي اڳيان رکندي ته اها ڳالهه چڱي ريت چٽي ٿي وڃي ٿي ته هڪ زال لاءِ مڙس جي سار سنڀال لهڻ ۽ پنهنجي فرضن کي پورو ڪرڻ ڪيڏي نه وڏي ذميواري آهي.
پاڻ سڳورن ﷺ جن فرمايو ته، ”جنهن عورت تيستائين خدا جا حق پورا نه ٿي ڪري سگهي جيستائين هڪ زال هجڻ جي ناتي سان پنهنجا فرض پورا نه ڪندي.“