2- ذهني سڪون:
حمل وارن ڏينهن ۾ عورت کي مڪمل ذهني سڪون ۽ آرام جي ضرورت هوندي آهي ڇو جو جسماني آرام ۽ ذهني سڪون ۽ خوشيءَ جو سندس صحت ۽ پيٽ ۾ پلجندڙ ٻار جي جسم ۽ نفسيات تي وڏو اثر ٿيندو آهي. خوشيءَ ۽ سڪون جو ماحول مهيا ڪري ڏيڻ به مڙس جي ئي ذميداري آهي، تنهن ڪري مڙس کي گهرجي ته هو سدائين ساڻس محبت ڪندو رهي ۽ پنهنجي ٻاجهه ۽ مهربانيءَ وسيلي پنهنجي زال جي دل کي خوش ڪندو رهي. حمل وارن ڏينهن ۾ ته اها ذميداري اڃا به وڌي وڃي ٿي. مڙس کي گهرجي ته هو ساڻس مثالي ورتاءُ ڪري ته جيئن سندس زال پنهنجي پيٽ ۾ موجود ٻار تي فخر ڪري ۽ کيس اها به دلجاءِ ٿئي ته سندس مڙس کيس ۽ ٻارڙي کي دل سان ڀانئين ٿو.