ڀيڻ! هيٺين واقعن مان ڪجهه سبق پراءِ:
هڪ ٻاويهن سالن جي نوجوان مڙس پنهنجي اوڻيهن سالن جي زال کي ان ڪري خنجر هڻي ماري وڌو جو هن کيس ”ڪاڻو گڏهه“ سڏيو هو، ان نوجوان ڪورٽ ۾ بيان ڏيندي چيو ته، ”مان هڪ سال اڳ هن سان شادي ڪئي هئي. شروع ۾ ته هوءَ مون کي تمام گهڻو ڀائيندي هئي پر پوءِ هن ۾ تبديلي اچي وئي ۽ حالتون خراب ٿي ويون. هوءَ ٿوري ٿوري ڳالهه تي مون کي گهٽ وڌ ڳالهائيندي ۽ گاريون ڏيندي هئي. منهنجي هڪ اک ڪجهه ٽيڏي آهي تنهن ڪري هوءَ مون کي ”ڪاڻو گڏهه“ ڪوٺيندي هئي. اهي لفظ ٻڌي هڪ ڏينهن مون کي به ڪاوڙ اچي وئي ۽ مان کيس خنجر جا پندرهن وار ڪري ماري وڌو.“