هيٺيون واقعو ڌيان سان پڙهو:
هڪ زال ٻه مهينا اڳ مڙس سان وڙهي پيڪين هلي وئي. هن ٻڌايو ته، ”منهنجي مڙس کي گهر جي ڪمن ڪارين ۾ منهنجو طريقو پسند ناهي. رڌپچاءُ ۽ گهر جي انتظام جي ڏس ۾ هو سدائين منهنجي بيعزتي ڪندو رهندو آهي، ان ڪري مان پنهنجي پيڪين اچي ويٺي آهيان. سندس ڳالهيون ٻُڌي ٻُڌي منهنجا ته ڪَن ئي پچي پيا آهن.“
مرد کي اها ڳالهه ذهن ۾ رکڻ گهرجي ته گهر جو ڪم ڪار ۽ انتظام رڳو عورت سان لاڳاپيل آهي ۽ اها سندس ئي ذميواري آهي. تنهن ڪري مرد کي کانئس اهو حق ڇنڻ نه گهرجي ۽ کيس پوري آزادي ڏيڻ گهرجي ته جيئن هوءَ پنهنجي مُنهن ۽ شوق ۽ دلچسپيءَ سان گهر جوڪم ڪار ڪندي رهي. مرد ان ڏس ۾ سختي نه ڪري ته سٺو، ڇو جو گهر جو سڪون ۽ گڏيل ميٺ محبت مڙني شين کان مٿانهين آهي.