ڪڪر ڪارا ڏسي خُوب بر جي مٿان
روپ ڪيڏا ڪيا منڌ ور جي مٿان
پوھ پارن جيان ٿاڪ ٿڌڙا ٿيا
ميگھه وسندو رهيو رات ٿر جي مٿان
ڏيک هن جو ڏسي سونهن سجدو ڪيو
چنڊُ مُرڪي اُڳو گهاٽ گهر جي مٿان
جوڙ جيڏين ڇني ڪونج ڪُڻڪي رُني
وار ڪيڏو ڪيو باز پر جي مٿان
پوڄي ساگر سڄو ور ورڻ لئه وني
رات ٻاري ڇڏيا ديپ جر جي مٿان
قلم ڌرتي ڏنو درد ديس جو لکيم
ڏات ڏھوڻي لٿي دل نگر جي مٿان
لکان مان لکان ديس توتي لکان
گيت وايون غزل سنڌ ٿر جي مٿان