ڀڃل خان ٻرڙو
پيءُ جو نالو: مصري خان
ذات؛ ٻرڙو
ڄمڻ جي تاريخ؛ 1927ع
تعليم؛ پرائمري
سگهڙائپ ۾ استاد؛ محمد صيفل ڀٽي
ڪرت؛ زمينداري
هنڌ؛ ڳوٺ ڀڃل خان ٻرڙو پوسٽ ميرپور ٻرڙو تعلقو ٺل ضلعو جيڪب آباد، سنڌ
(هي سگهڙ ورهاڱي کان پوءِ سنڌ جي سجاڳ، سگهڙن استاد لعل ڪورار، سگهڙ سوايو موچي عرف “ڪفش دوز” سگهڙ محمد سيفل ڀٽي سان ڪچهريون ڪندڙ ڪچهريءَ جو مور آهي هن دور ۾ جهونن ڏات ڌڻين ۾ هي آخري سگهڙ آهي جيڪو 87 سالن جي ڄمار ۾ به ڪچهرين ۾ وندرلايو ويٺو آهي.)
[b]سينگار بيت[/b]
سڄڻ کي سينگار، پرور پارايا پاڻ
ماذاغ البصر جو سرمون، سائين سڄو سرهاڻ
پُختا پيچ پَپِيهر ڪيا، ٻڌي رهبر جي رهاڻ
وَسُو وِک وساري، مڃي عجيب اڳيان آڻ
ڪَٽِ ڪيسر وڌ، وري لبن جي لالاڻ
صورت يوسف ڇا پُڄي، هت خاصيتن جي کاڻ
ٻيلي ٿيءُ ٻهڳڻ جو، “ٻرڙا” منزل ماڻ
سوچي ڪر سڃاڻ، اٿئي ڀورل ڀلو “ڀڃل” چئي