شاعري

ديوان مفتون (مولانا عبدالغفور ’مفتون‘ ھمايونيءَ جو ڪلام)

ديوان مفتون ۾ مولانا عبدالغفور همايونيءَ جي ولادت، سوانح، خاندان جي احوال، مولانا جي شاگردن، همعصرن، پونيرن ۽ ڪتابن جي احوال سان گڏ سندس شاعري شامل آهي. هي ديوان غزلن جو نہ آهي، پر هن ۾ مولانا مفتون همايونيءَ جون 116 ڪافيون شامل آهن، جيڪي نج سنڌي ٻوليءَ جو اعليٰ نمونو آهن.

4.5/5.0
20
1
آخري ڀيرو اپڊيٽ ٿيو:
مولانا عبدالغفور ’مفتون‘ ھمايوني
ڇاپو پھريون

Title Cover of book ديوان مفتون (مولانا عبدالغفور ’مفتون‘ ھمايونيءَ جو ڪلام)

ڪافي (68)

آھہ پرين جي آس، منھنجو اندر اُداس- ڪڏهن محب تون ملندين.
سال گهڻيرا سِڪ تولئي،
ويھڻ ويــلــيــاس-
ڪڏهن محب تون ملندين.

تنھنجي عشق اتاريو،
منھنجي لڱن جو لباس-
ڪڏهن محب تون ملندين.

دوست دلاسو نہ مڪو،
سوين خط لکياس-
ڪڏهن محب تون ملندين.

”مفتون“ کي آهي من ۾،
تنھنجي تڪڻ جي تاس-
ڪڏهن محب ملندين.
*