جتي انصاف پورو آ، اتي ايمان آندو اٿم
رکان ھڪ اک تي ٿو الله، ٻي تي قرآن آندو اٿم
اوھين سوچيو ڀلي سوچو، اسان جي سوچ ھِڪڙي آ
خلافت لئه خدا ڪنھن کي چيو، انسان آندو اٿم
عنايت ان جي، مُنھنجي عيب جي، پاڻھي خبر پوندي
پڙھي لاتقنطو چوندس، ته تُنھنجو شان آندو اٿم
فضيلت ۾ ته پنھنجو فيصلو، اڳ ۾ ئي ٿي ويو آ
رکي جنھن شرط ھُئي مون سان سو ڪٿ شيطان آندو ٿم
مَٽائي نفس جو مذھب، ٿيس ٻي دين ۾ داخل
تڏھن ”حافظ“ سَڏائي، حق جو اعلان آندو ٿم
***