پريس جو رڳو پورائو ٿئي پيو، عمل جو نالو ڪٿي به ڪونھي
اچن وڃن پيون رڳو اونداھيون، اڇو اجالو ڪٿي به ڪونھي
گھڻئي ڏٺوسين، گھڻئي سَٺوسين، اسان ۾ ھاڻي سھپ ڪٿي آ
اسان کي جيڪو سُرور بخشي، اھو پيالو ڪٿي به ڪونھي
ظلم ستم جو سُڪار آھي، سڄو ڏينھن سچ کي ڪُٺو وڃي پيو
ھِتي رڳو پيو ڪيڏارو ٻُڌجي، ھو جمالو ڪٿي به ڪونھي
وري به سنڌ کي ورھائجڻ جون، ٻُڌان پيو ڳالھيون ٻين جي واتان
صدين ڪنان ھِن سڳوري سنڌ تان، لٿو ڪشالو ڪٿي به ڪونھي
ھجيئن ھا ”حافظ“ سچي به سنڌ جو، اوھان جي سامھون ايئن ڪونه چئي ھا
اسان کي جيڪو ڪري، اڌو اڌ ٺھيو سو ڀالو ڪٿي به ڪونھي