خبر نه آھي ته ھيڏي خلق ۾، منھنجو خدا ڪھڙو
ٻئي ھڪ جوڙ جملي ۾، ڪريان جاني جُدا ڪھڙو
ڏيان سجدو سڄڻ کي يا، ڪريان صاحب ڏانھن مُنھن سامھون
انھي ڳڻتي ۾ آھيان آئون، الا ٿيندو ادا ڪھڙو
نمازن کان ويس نڪري، نه روزن تي رَھان راضي
ڏيئي سر مُون ڪيو سودو، ٻنھي ۾ وَڌ ٻُڌاءَ ڪھڙو
ڪَلامُ الله تي قائم، ڪَليمُ الله تي ڪاوڙ
ويو ڇو طور تي تڪڙو، وڻائڻ لئه وڌاءُ ڪھڙو
ميان ڏس حال ”حافظ“ جو، نه ھِن پاسي نه ھُن پاسي
مريض عشق مَنجي تي، اِن وڌ ٻيو ادا ڪھڙو
***