مير ڄائو ماءُ پِسرِ پٽ ڄمن ته اهڙا ڄمن
علي احمد چانڊيو
مير ڄائو ماءُ پِسرِ پٽ ڄمن ته اهڙا ڄمن
سورھ ڄائو سنڌ اندر پٽ ڄمن ته اهڙا ڄمن
1
مير هو امير هو عقل جو هُو وير هو
سنڌين جو سَفير هو غريبن جي تقدير هو
ڪل ڪايائن ۾ ڪسر پٽ ڄمن ته اهڙا ڄمن
2
پنهنجو پگهر پَسِينو وهائي غريبن جا پٽ پڙهائي
قاضي ڊپٽي ڊي.سي بڻائي مير جا ٿورا ڪير لاهي
آباد ڪن اجڙيل گهر پٽ ڄمن ته اهڙا ڄمن
3
فيون معاف منهنجا جاني مسڪين کائن مفت ماني
اخلاق آهن اهي انساني لاڙ وارن لَٿِي پريشاني
واھ غلام محمد ٽالپر پٽ ڄمن ته اهڙا ڄمن
4
علي احمد آباد هجي اسڪول اسان جو شاد هجي
لطف واري لاڌِ هُجي محبت ڀريو مواد هجي
غريبن جو غم فڪر پٽ ڄمن ته اهڙا ڄمن