چنڊ مان ۽ رولاڪيون

شاعريءَ جي صنف ۾ نظم، اها واحد صنف آهي جنهن  ۾ اوهان پنهنجي سموري ڳالهه بيان ڪري سگهو ٿا. نظم ۾ جيڪا قصا گوئي جي رواني آهي اها شاعري جي ٻي  ڪنهن صنف ۾ نه ٿي ملي. اسان جي سنڌي ادب ۾ انهيءَ صنف کي نثري  نظم، نئين ڪويتا،نظم ڪهاڻي ۽ نظم جي مختلف نالن  سان لکيو وڃي ٿو. هتر صنف لاءِ ان جي مزاج مطابق شاعراڻو Touch تمام ضروري هوندو آهي، جيڪڏهن  اوهان ان تي دسترس نه ٿا رکو ته پوءِ اوهان جا لکيل نظم ٻيو ڪجهه نه هوندو صرف لفظن جو وڌاءُ هوندو....! 

آصف ڪالرو جنهن پنهنجي  پاڻ  کي هڪ “رولاڪ” ڪوٺيو آهي، ۽ آصف جي نظمن ۾ پڻ اوهان کي هن جي رولاڪين جا قصا ملندا، جنهن ۾ شاعراڻو Touch، اڻ ڇهيل  موضوع، ۽ ٻين انيڪ موضوعن تي سرجيل نثري نظمن جو ڀرپور مزاج رکندڙ سمورا نظم ملندا. هن ڪتاب  ۾ “ڊائري جا ورق” جو  الڳ سان هڪ باب رکيو ويو  آهي، جنهن ۾ ليکڪ نظم ڪهاڻي، ڪالم ڪهاڻي، شاعراڻو نثر جي Pattern تي پنهنجا احساس  سرجيا آهن. هاڻي پڙهندڙ ان  باب کي ڪيئن  ٿا ڏسن؟ اهو اوهان  پڙهندڙن تي  ڇڏيو آهي. 

  احساس پبليڪيشن حيدرآباد طرفان نوجوان  شاعر آصف ڪالرو جي نظمن جو ڪتاب  “چنڊ مان ۽ رولاڪيون”  يقيناً سنڌي ادب جي نظمن جي تاريخ ۾ هڪ خوبصورت  اضافو  ٿيندو.  هن موقعي تي ادارو سرهائي محسوس  ڪندي اميد ٿو ڪري ته اڳ جيان هن ڀيري به اسان  جي هي ڪاوش پڻ اوهان سڀني کي دل سان پسند ايندي. پڙهي ڪري پنهنجي راءِ کان آگاهه  ڪندا.

خيرانديش

احساس پبليڪيشن حيدرآباد  
  Cell # 03013324100 
magazineehsaas@gmail.com