مري ويل انسان
مان پنھنجي زندگي
جا سمورا پل
اڪيلا گذاريا آھن
آئون پنھنجي دنيا
جو مالڪ آھيان
آئون ھڪ مري ويل
انسان آھيان
مان روحاني خودڪشي ڪري
پنھنجي روح کي
دوزخ جي باھ ۾ اڇلي ڇڏيو آھي
آئون پنھنجي زندگي کان
محروم آھيان
رولاڪين ۾ رلندي رلندي
مان ھميشه چنڊ کي ڇُھڻ
جي تمنا ڪئي آھي
مان ھميشه تنھنجي موٽي
اچڻ جي انتظار ۾
ھر رات رولاڪين ۾ گذاري
مونکي خبر آھي
تون ڪڏھن به موٽي نه ايندي
پر آئون توکي خوابن ۾
ڳولهندو آھيان
مونکي خبر آھي
تون منھنجي ڪري
نئون جنم وٺندين
تون ڪنھن حور جي روپ ڌاري
وري موٽي ايندي
تنھنجي سڏ جا آواز
منھنجي ڪنن ۾ اڄ به گونجندا آھن
آئون قيامت ڏينھن به
تنھنجي سڏ تي اٿندس
نه ته مرڻ کان پوءِ
مونکي عزرائيل به
ننڊ مان اٿاري نه سگھندو
مان تنھنجي سڏ جي پويان
ڪيترا ئي سڏ لنوايان آھن...!
...