منھنجي دل دشمن آھي
آئون قعلي جي
چوٽي تي رولاڪ بڻجي
رلي رھيو آھيان
منھنجي ٽٽل وجود جي
شيشن کي
شوڪا ڏئي گذرندڙ ھوا
چيڙائي رھي آھي
تارا منھنجي رولاڪين تي
نوحه پيا چون
دل دردن کي
ھنڌورن ۾ لوڏا پئي ڏي
مونکي خبر آھي
دل منھنجي دشمن آھي
آئون انھن جي اچڻ
جي آس ۾ ڏئيا ٻاري
ويٺو آھيان
جنھن کي اچڻو ئي ناھي
منھنجون اکيون گرم ريت تي
وڇايل ھوندو آھن
منھنجا جذبا شھيدن وانگر
سج جي تپش ھيٺ
پيا ٻرڪندا آھن
جڏھن اميدن جي شام
اچي ٿيندي آھي
تڏھن دل ڪنھن ڪٺُل پکي جيان
پئي تڙپندي آھي
آئون ڪڏھن ڪڏھن دل کي
ڪوڙن دلاسن سان پرچائيندو آھيان
مونکي خبر آھي
منھنجي دل دشمن آھي
ھڪ ڏينھن منھنجي دل
ڪنھن حور سان شادي ڪرڻ
جي ضد ڪري ويھي رھي
مونکي خبر آھي
حورون مون جھڙي گنگھار جي
نصيب ۾ ناھن ھونديون
اسين ٻئي چريا آھيون
دل وري سوچ جي سمنڊ
۾ لھي وئي سوچيم ته
آئون رولاڪ بي چئي دل جون
حسرتون ڪيئن پورو ڪندس
آئون پنھنجي بي چئي دل کي
سمنڊ جي تيخاني ۾
ڦٽي ڪري ڇڏيندس
نه ھُوندي نه ڪا وري
نئي فرمائش ڪندي....!!
...