اڌوري محبت
پاڻ ڏانھن گھرائي
مونکي اي خدا ...
محبت ۾ ڇا آھي مليو
مرڻ لاءِ زھرھڪ چڪر
پر جئيڻ لاءِ زھر
روز پيئڻو پوندو آھي
مان مايوس ناھيان
مان جئيڻ لاءِ تنھنجي يادن
جي قبر کوٽڻ ۾ مصروف آھيان
مان اندر ئي اندر ۾
ڪچي قبر وانگر ٽٽي پيو آھيان
ھا مون تي به ڪنھن اڇي اجري
اپسرائن جي ٽولي جي راڻي
ڇوڪري ٻه ڏينھن جي محبت ڏئي
پوءِ منھنجي دل ۾
پنھنجي محبت جون سرحدو لڳائي
مونکان منھن مٽي
ھميشه جي لاءِ پنھنجون
راھون الڳ ڪري وئي
ھاڻ مان به خوابن جا تابوت کڻي
تمنائن جي رُڃ ۾ اڇلي ڇڏيا آھن
۽ مان چنڊ جي روشني سان
پنھنجي دل جي نگري آباد ڪندو آھيان.