الزامن جا جملا
مونکي خبر نه ھئي
ته تون مونسان
سسئي بڻجي پيار ڪندين
پنھون جو درجو ڏئي
مونکي ديوتا ڪوٺيندين
جڏھن آئون پيار جي ڪوڙڪي
۾ ڦاسي ويندس
تنھنجي بي پناھ عبادت ڪندس
ته تون نئي روايت قائم ڪري
وري ديوتا ٿي ويندين
ان کان اڳ جو مان ھميشه جي لاءِ
تنھنجي زندگي مان ھليو وڃان
مان ايترو اظھار ڪندس
ته مونکي ھاڻ
پاڻ سان به محبت ڪونھي
محبت جو رشتو جڏھن ٽٽي
ڌار ٿي ويندو آھي
تڏھن الزامن جا جملا
اظھار جي قوت وڃائي
بي معنى ٿي پوندا آھن
ھن فاني دنيا ۾ ھر ڪوئي
پنھنجي مطلب لاءِ جيئڻ
چاھي ٿو پر
مان روز پنھنجي مري ويل
محبت جو ڄاڙيون ٻڌندس
خبر آ نه جڏھن من جي منڌر ۾
اوندھ ھوندي آھي
تڏھن دنيا جو روشني ڀانئن نه پوندي آھي
يا وري مان جھڙي ڪنھن رولاڪ لاءِ
ستن سِجن جي روشني به مقصدٿي پوندي آھي.
...