اداس راھون
اداس راھون
جڏھن شام جي
پاڇن ۾ ٽوھ وانگر
ڪَڙيون لڳن
جڏھن من تان محبت جا
رنگيلا پوپٽ
رقص ڪرڻ ڇڏي ڏين
ته ڪنھن چو واٽي تي وري
منھنجي ياد جي شمع روشن ڪجان
منھنجي دل جي صحرا تي
جڏھن تنھنجي يادن جي
ھڏڪي ٿيندي
تڏھن منھنجي محبت جو
پکي اوچتو ڀڙڪو ڏئي
اڏامندي محسوس ٿيندو
زندگي ۾ ٻيهر آئون توکان
جدا ٿيڻ لاءِ
تنھنجي اميدن جي
اڱڻ تي لھندس
ورھين جي وڇوڙي
وارو دفن لاشو ڪڍي
پنھنجي مجبورين ۽ ناڪامين
تي سوين لڙڪ ھاري
پنھنجي مرڻ تي حوالو لکي
وري سڏڪن جو پرسو ڏئي
پنھنجي ئي ڪفن سان
ڳراٺڙيون پائي روئندس.
...