ذبح ٿيل محبت
منھنجي ذبح ٿيل محبت
منھنجي ارمانن جو گوشت
تنھنجي جوڙي تي
ھزار جو ڀرت
منھنجي جسم تي
تنھنجي جدائي وارو ڪفن
تنھائي جا منحوس لمحا
اذيتن جو سفر
مٿي باھ چٽندڙ سج
ھيٺ تنھنجي نفرتن وارو
گرم ڪوئلو
منھنجي زندگي جو
نه کٽندڙ سفر
مونسان عيد تي تيار ٿيل
پنھنجا ٽٽل خواب
تنھنجي يادن جو پاڇو
ڪمري جي تنھائي
موبائل جي اسڪرين تي
آڱوٺي جي ٽپ ٽپ
واري گھري سوچ
گھڙي جي ڪانٽن جي حرڪت
منھنجي محبت جي اڏندڙ خاڪ
منھنجي من جو قبرستان
جنھن ۾ دفن ٿيل منھنجون
اڌوريون تحريرون
تون بن اڌوريون
عيد جون خوشيون
منھنجي محبت جو لڪيل چنڊ
منھنجي گذرندڙ عيد
وقت جا پاليل ڪتا
منھنجي لفظن تي ڀوڪن ٿا.
...