دردن جي پي ايڇ ڊي
کلندو به رھيم
روئندو به رھيم
تصوير کڻي تنھنجي
رلندو به رھيم
ڪڏھن رلندي سوچندو آھيان
ته مان احساسن جي اک ٻوٽ
خوابن جي لڪ لڪوٽي ۾ درد جي
پي ايڇ ڊي ڪئي آھي
مان ڪڏھن پاڻ کي صاف
پاڪ ھجڻ جو نه سوچو آھي
آئون گنگھار آھيان
ازل کان تون عظيم آھين
سنڌ ڌرتي جيان
تون مقدس آھين
ست قران جيان
تون جنت جي حور آھين
آئون غم جي صحرا جو
اڪيلو وارٽ رولاڪ آھيان
آئون پاڻ کي موھن جي دڙي
جو نالو نٿو ڏئي سگھان
ڇو جو ان جي عظيم تاريخ آھي
منھنجي ڪا به تاريخ ناھي
بس مڪلي جي پراڻي قبرستان جيان
منھنجي دل ۾ ڪيتريون ئي قبرون دفن آھن
منھنجي لاءِ ملائڪ به
ڪات ڪھاڙا ٺپرائي بيٺا آھن
منھنجا دوست به
منھنجو ڳالھيون ٻڌي
چوندا آھن
رولاڪ تھنجو موت ڪئين ٿيندو
ڇو جو آئون گنگھار آھيان
منھنجو سڪرات ۾ ساھ ڪيئن ٽٽندو
اڪثر سوچندا آھن
آئون ڀتن سان اڪثر ڳالھائيندو آھيان
ڇو جو مونکي خبر آھي
ڀتيون منھنجي ڳالھين تي
ناراض ناھن ٿينديون
ڪجھ دوست مونکي ديوانو
سمجھندا آھن
ڪير وري چريو ڪي ته
وري سرڪس جو جوڪر
آئون سڀني لاءِ رولاڪ آھيان
منھنجو تحريرون منھنجو ڳالھيون
ھنن لاءِ بي معني آھن
ھو مونکي پڙھڻ کان سواءِ
نظر انداز به ڪري ڇڏيندا آھن
بس ھي انھن جي جو حق آھي
آئون ھنن به پيارن جو ٿورائتو آھيان
جيڪي منھنجي لفظن جي
اڌوري تحريرن جو انت ڪڍنداآھن...!
...