آخري منزل
ھا ھڪ ڏينھن
تون به مون سان
محبت ڪندين
ھا ھڪ ڏينھن تون به
منھنجو چھرو
ڏسڻ لاءِ پنڌ ڪندين
ھا ھڪ ڏينھن منھنجي
لاءِ به تنھنجي اکين۾
لڙڪ ھوندا
زندگي ان ڏينھن مان
پنھنجي آخري
منزل جي بلڪل ويجھو ھوندس
جنھن ڏينھن تون
منھنجي پيراندي ويھي
مونکي سڏيندين
جڏھن مان
تنھنجو آواز ته ٻڌندس
پر توکي ڪو جواب
نه ڏئي سگھندس
ان ڏينھن مان
اڇي ڪفن ۾ گھوٽ بڻجي
پنھنجي ڌرتي ماءُ جي
پيٽ ۾ دفن ٿيندس
ان ڏينھن تون به مون سان
محبت ڪندين
جنھن ڏينھن مان
ٽٽل ستاري وانگر
ڪاري راتن ۾
گم ٿي ويندس
ھا زندگي
ھڪ ڏينھن تون به
مون سان محبت ڪندين
ھا ھڪ ڏينھن
پنھنجي ناٽڪي جي
قبر تي گلاب رکندين...!!!
...