خاموشي
رولاڪ جي خاموشي ۾
اڻ پيتي محبت جو
درد سمايل ھوندو
انھن اذيتن جو درد
جيڪو تنھنجي
جدائي جي وقت
منھنجي جھولي م وڌا ويا
انھن ٽُٽل خوابن جا ٽڪرا
ڪيئن سنڀاليان ٻڌائي
ڪٿي پنھنجن
خوابن جي تعبير ڳوليان
ڪڏھن مونکي لڳندو آھي
مان ڪو مسافر آھيان
ڪڏھن لڳندو آھي ته
مان ڪو رڻ پٽ آھيان
ڪنھن مھل لڳندو آھي ته
مان رڃ آھيان
ڪڏھن لڳندو آھي
ته پنھنجي وجود تي
تنھنجي وجود جو
احساس آھيان
ڪڏھن وري لڳندو اٿم ته
پاڻ ٻئي وڇوڙي جي
علامت آھيون
جيڪو ڪڏھن به
گڏ نه ٿي سگھنداسين
جئين ڪنھن
سُڪل ندي جي ڪنارن وانگر...!
...