اڌ چنڊ
ڪڏھن ڪڏھن خيال
ايندو اٿم
ته چنڊ به مون تي
وڏو مھربان آھي
ھن اڌچنڊ به مونکي ھميشه
اوجاڳا ڏنا آھن
چانڊاڻ مونکان
ڄڻ ننڊ کسي ورتي آھي
دنيا جي گوڙ گهمسان ۾
درد جي تحرير لکي خاموش ٿي
پنھنجو منھن سر
ڪي گيت ڳائيندو آھيان
منھنجو آواز سنڌ جي درديلن
ھوائن ۾ پنھنجا سُر وکيرڻ
لڳندو آھي
ڪاري رات
منھنجو آواز
تنھنجي ياد ۽ ھي نه گذرندڙ راتيون
منھنجي سڪي ويل زخمن جون
ڪَڙيون لھڻ شروع ڪنديون آھن
منھنجي اميدن جا پاڇا ھڪ ئي
حقيقت جي آس ۾ گم ٿيو وڃن...!!!
...