وڇڙي ويل پکي
سج جڏھن شام جو پاڇو کڻي
اچي سمنڊ جي
آخري سلامي ڀريندو آھي
تڏھن سمنڊ
بلڪل ڳاڙھو ٿي پوندو آھي
تڏھن منھنجا خواب
ڪنھن ولر کان وڇڙي
ويل پکي جيان
ڪنھن ڏور
آڪاش تي اڏندڙ نظر ايندو آھي
تڏھن مان ڪنھن
پينو فقيرجيان
پنھنجو ڪشڪول کڻي
پنھنجي دردن جي خيرات
وٺڻ نڪرندو آھيان
۽ مان اڪيلو تنھنجي يادن
جو ڪشڪول کڻي
دردن جي صليب تي
نڪري پوندو آھيان
پر مونکي خبر ناھي ته مان
آخر وٺڻ ڇا ٿو اچان...!!!
...