خواب، جواني ۽ الفت
مان ٿورو پاسو ورايم
ته منھنجي بستر تي
منهنجو جسم ٻئي جسم
سان ٽڪريو
جسم عورتاڻو ھو
نازڪ، ھلڪڙو
خوشبو ۾ ورتل
تون ڪير آهين ؟
مان جواني اڻ جھل عورت آھيان،
جواني جو ڪو نالو ھوندو؟
جواني جو نالو الفت آھي،
مان گھڻي وقت کان
الفت لاءِ سڪندو وتان..
ھن جي اکين ۾
محبت جو سمنڊ اٿلي پيو
چپن تي چپ رکي چمڻ لڳس ته
ھن جو انگ انگ اڀري آيو،
اسان ٻئي ھڪ ٻئي ۾ گُم ٿي وياسين
مدھُوشي جو عالم ھو
سياري جي رات ھئي
مان ڪمبل سان وڙھجي
ھيٺ ڪريس ته
ننڍ مان سجاڳ ٿي
هو ڪنهن خوبصورت خواب
ٿي پکيءَ وانگر اڏري وئي...!