شاعري

ڏيئا ڏيئا لاٽ اسان

هي ڪتاب سنڌ جي ڏات ڌڻين حسن درس، حسن مجتبيٰ، سعيد ميمڻ، اياز جاني، ڪوي، وسيم سومرو، بخشڻ مھراڻوي، اثر، جان خاصخيلي، امتياز ابڙو، ارشاد ڪاظمي، زاھد دارا ابڙو، عطيہ دائود، پشپا ولڀ، امر سنڌو ۽ شبنم گُل جي شاعريءَ جو گڏيل مجموعو آھي جنھن جو سھيڙيندڙ مظفر چانڊيو آھي. ھن ڪتاب جو مھاڳ/مقدمو عظيم ڪوي شيخ اياز لکيو آھي.
Title Cover of book ڏيئا ڏيئا لاٽ اسان

ٻه آزاد نظم

ڪينجهر تي ڳاڙهاڻ شفق جي
ڇائي آ.
ڪنهن نوورنيءَ جي لال گلابي
گول مٽول ڳلن تي
لالي ڪا لهرائي آ،
يا ته تماچيءَ جي ڀاڪر ۾
نوري ڄڻ شرمائي آ،
ڪينجهر تي ڳاڙهاڻ شفق جي
ڇائي آ.
*

رات ڪنهن بيواهه جيان
روءِ زمين جي کٽ تي،
ڪيڏي نه ٿي بي چين آهي.
ڪو به ناهي،
جو کڻي؛
هن جي اجڙيل سينڌ ۾
چنڊ جو سِينڌرو لائي،
ڪو به ناهي،
ڪو به ناهي.