اڄ شڪر الحمدلله اڱڻ مون آيا عجيب
نينهن جو ناتو ڳنڍي، نروار ٿيا نازڪ نجيب.
ديد دلبر جو ٿيو، محبوب مليو مُرڪندي،
پرت پيالو پُر ڪري هڪدم حوالي ڪِيو حبيب.
عشق جو آڙهه اُجهايو اک اشاري اوچتو،
جيءَ ۾ جهوريءَ جي دوا، تجلي سان ڪئي ترتئون طبيب.
سونهن ٻيو سينگار سهڻو، سينڌ تان ڪاني ڪجل،
چنڊ چوڏهين سان ستارا سڀ سلامي ٿيا قريب.
خوبروءَ جي خاڪ ”شوري“ خوش ٿي کائڻ ڪئي قبول،
ڪرم قادر ٿيو مٿم، نعمت نماڻي ٿي نصيب.
***
(11 اپريل 1979ع ڪنگورو شاخ موري ڊگهڙي)