ستارن ۾ تون آن، بهارن ۾ تون آن
وفا جي دنيا جي نظارن ۾ تون آن.
ڪريان غم جي تهذيب جي ڇا لئه شهرت،
منهنجي دل جي بس رازدارن ۾ تون آن.
ستمگر ستم ٿو ڪري هر قدم تي،
آهي ڪو به جي غمگسارن ۾ تون آن.
منهنجي ڳالهه سمجهين ها اي دوست ڪاش!
ڪناين ۾ تون آن، اشارن ۾ تون آن.
منهنجي عشق مان هي ته واضح ٿيو آ،
ته جڳ جي حسن ماهپارن ۾ تون آن.
زبان تي آ جو نانء هردم توهان جو،
منهنجي سوچ جي تيز ڌارن ۾ تون آن.
تڏهن تان ٿيو مطمئن آهه ”شورو“،
فقط هڪ پيارو، پيارن ۾ تون آن.
***
30 جنوري 1985ع مسڻ وڏي