شاعري

من اندر جي موسم

سوز ھالائيءَ جي هن مجموعي ”من اندر جي موسم“ ۾ غزل، گيت، وائي، ڪافي، نظم، آزاد نظم جون صنفون آهن.  سوز پنھنجي شاعريءَ لاءِ چوي ٿو تہ: ”مان پنھنجي شاعريءَ جي اثر هيٺ رهيو آهيان، منھنجي شاعري نہ رڳو مون لاءِ پناه گاه آهي پر ذوق سليم جي تسڪين جو سامان ۽ اظھار جو وسيلو بہ آهي“.

Title Cover of book من اندر جي موسم

سائين مخدوم محمد امين فھيم جي ياد ۾

نرمل سرور نوح جو، ارڙهون شھزادو،
ڏاڍو ڏور هليو ويو.

ايڪھين نومبر، پندرهن تي، سڄڻ سفر هليو،
ڏاڍو ڏور هليو ويو.

سنڌڙي تنھن جي سوڳ ۾ آهي رت رنو،
ڏاڍو ڏور هليو ويو.

جھڙو سندس نانءُ هو، اهڙو پاڻ هئو،
ڏاڍو ڏور هليو ويو.

هئہ هئہ هالا شھر جو، شاعر گهٽجي ويو،
ڏاڍو ڏور هليو ويو.

”سوز“ انھيءَ جي سوڳ ۾، جڳ افسوس ڪيو،
ڏاڍو ڏور هليو ويو.
ڏاڍو ڏور هليو ويو.