ڏاهپ / اخلاقيات

شرح حُجة الله البالغه

سنڌ سلامت ڊجيٽل بوڪ ايڊيشن سلسلي جو نئون ڪتاب شاهه ولي الله رحه جو ”شرح حجة الله البالغه“ اوهان اڳيان حاضر آهي. ڪتاب جو ليکڪ مولانا عبيد الله سنڌي آهي ۽ سنڌيڪار مولانا محمد انس راڄپر صاحب آهي. امام شاهه ولي اللهؓ، اسلامي دنيا جو يگانو عالم هو، جنهن سماجي زندگي ۽ اقتصاديات جي بدلجندڙ انواع کي خدا جو شان قرار ڏنو ۽ ان پسمنظر ۾ شريعت جي حڪمن جا اسرار ۽ حڪمتون نروار ڪيون. سندس جڳ مشهور ڪتاب ”حجة الله البالغه“ کي ان سلسلي ۾ اسلامي دنيا جي علمي حلقن ۾ بيحد مقبوليت حاصل رهي آهي. امام انقلاب مولانا عبيدالله سنڌي، شاهه ولي اللهؓ جي فڪر جو وڏو شارح رهيو آهي، تنهن حجة الله البالغه جي شرح پڻ لکي هئي. هي ڪتاب ان شرح جو سنڌي ترجمو آهي.
Title Cover of book شرح حُجة الله البالغه

انساني موت جي حقيقت

مرڪبات (Compounds) ٻن قسمن جا ٿيندا آهن:
1- ڪيمياوي مرڪبات (Chemical compounds) انهن کي چئبو آهي جن ۾ ٻن شين جي ملڻ سان نئي خاصيت واري ٽي شيءِ پيدا ٿيندي آهي. جيئن ڪوئلي جي سڙي وڃڻ سان خاڪ پيدا ٿيندي آهي. (ظاهر آهي ته ڪوئلي ۽ خاڪ جون خاصيتون الڳ الڳ آهن.)
2- امتزا جي يا غير ڪيمياوي مرڪبات (Mistures) انهن کي چئبو آهي جن ۾ ٻن شين جي ملڻ سان نئي خاصيت واري ڪا ٽي شيءِ پيدا نه ٿيندي آهي، بلڪ ان جون خاصيتون ساڳيون هونديون آهن جيڪي پهرئين انهن ٻنهي شين ۾ هيون جن مان هي ٺهي آهي. جيئن پاڻي ۽ کنڊ کي ملائڻ سان شربت ٺهندو آهي.