محمد اقبال ملڪ
محمد اقبال ملڪ 1972ع ڌاري گورنمينٽ ھاءِ اسڪول سانگھڙ ۾ مقرر ٿي آيو. ان وقت ھي صاحب برطانيه مان رياضيءَ جي مضمون ۾ ھڪ سال جي تربيت وٺي آيو. ھاءِ اسڪول ۾ ٿورو وقت رھڻ کان پوءِ کيس بيورو آف ڪريڪيولم حيدرآباد ۾ سبجيڪٽ اسپيشلسٽ طور گھرايو ويو. اُتان کان پوءِ اسان جي ٽرينگ ڪاليج جو پرنسپال ٿي آيو. اصل ۾ ملڪ صاحب چڪن جو رھاڪو ھو. سندس والد صاحب رٽائر فوجي ھو ۽ کيس ان پاسي زمين مليل ھئي. اقبال ملڪ صاحب انتهائي ايماندار ۽ سٺو منتظم پرنسپال ٿي رھيو. ان سان گڏ ھڪ مثالي استاد پڻ ھو. ٽرينگ ڪاليج ۾ ڪجھه عرصو گذارڻ بعد کيس وري واپس بيورو آف ڪريڪيولم ۾ مقرر ڪيو ويو. مونکي يقين محمد لغاري جي انتقام کان پڻ بچائيندو رھيو. رٽائر ٿيڻ کان پوءِ اسلام آباد ۾ وڃي مقيم ٿيو.