هي پيار ڪيو مون سڪي هن پيار جي پارت ٿئي،
اظهار ڪيان ٿو ڊڄي اظهار جي پارت ٿئي.
سُٽُ ڪين هي سڦرو آ، جي عيب اکيليندي،
عيبن سان ڀريل آهيان عيبدار جي پارت ٿئي.
هي دردَ ڀري دل سان در تنهنجي پڳو سائل،
هي پيار جو سوالي آ، پينار جي پارت ٿئي.
مان جوڙ جتيءَ ناهيان پيرن جي پڻي سمجهو،
همسر نه سڏايان ٿو، حبدار جي پارت ٿئي.
جذبن جو ڀرم رکجان هيءَ پاڪ محبت ٿئي،
قربن جو قدر ڪر تون، قربدار جي پارت ٿئي.
“خاطي” جون خطائون ڇڏ، تون پنهنجي ستاري ڏس،
مان گولو گدا گدلو، گنهگار جي پارت ٿئي.