ڪنهن جي نظر لڳي وئي هڪٻئي کان وياسين وسري،
لڙڪن جيان ويا سڀ سپنا اکين مان نڪري.
هڪٻئي جي لاءِ حُبَ مان ٺاهياسين دل ۾ ديرا،
سڀ چاهتن پنهنجيُن جا اڄ اهي آکيرا،
واچوڙي ڪنهن لڳڻ سان ڪک پن ويا ٿِي اڏري.
چاهت پنهنجيءَ جا گلڙا ، جڏهن صنم ٽڙي پيا،
تن جي پٽڻ جي خاطر ها کوڙ هٿ وڌي پيا،
ظالم هٿن ۾ سي گل پتيون ويا ٿي وکري.
هو خواب خان محمّد جيڪو نه ياد ايندو،
ساڳيو سو وقت واپس ڪيريو چئي نه ٿيندو،
هڪٻئي وٽان هوائن وانگي وياسين گذري.