آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

فرسٽ ايئر وارن جي سڃاڻ

هنن جيتامڙن تي نہ دال جي دٻ اثر انداز ٿيل هوندي آهي نہ وري ڪو پروفيشنل ڏئي مينٽل ٿيندا آهن. ان ڪري هنن ۾ ڏاڍي ٻڌي هوندي آهي ۽ ڌڻ ڪري گهمندا آهن وڏا حوالي ۽ چانھہ جا موالي ٿيندا آهن. شل نہ ڪو ڊاڪٽر ڪوٺين ٺران ٺران پئي پوندي. خدمت جا سڀ رڪارڊ ٽوڙي ڇڏيندا، بوڪن، بئنچن، بسين، باٿ رومن ۾ عشق جا احوال لکڻ جا ڪوڏيا. هنن جي موسمي نموندار ٿيڻ تي بسيون، ميسون، ڪئنٽينون، ٽي وي هال فل هوندا آهن. سامھون ڏسندڙ هر جيتامڙيءَ لئہ چوندا آهن تہ عاشق ٿي پئي آهي. جيتامڙيءَ سان ڳالھائڻ وقت زبان خشڪ ٿي ويندي اٿن ۽ ابتدا اديءَ سان ڪندا آهن. عشق جي آسري ۾ سڄو ڏينھن گرلس هاسٽل جي سامھون واري لان ۾ ليٽيا پيا هوندا آهن.