آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

افتخار ميراڻي

افتخار ڀاءُ توهان جي بھترين فوٽو ۽ معلومات شيئر ڪرڻ لاءِ مان جڏهن دوستن جي بھترين طرز زندگيءَ جو ٻڌندو آهيان تہ نئون بنو ٿي ويندو آهيان هي گروپ اهڙي معلومات ڏئي ٿو، هن گروپ ۾ تاريخ ۽ ٻيون ڳالھيون بہ پڙهڻ ۾ اينديون آهن. ڪڏهن ڪڏهن کٽيون مٺيون ڳالھيون بہ ٿي وينديون آهن. مان افتخار ميراڻي سان 2010 ۾ مليو هوس جڏهن ٻوڏ متاثرين لاءِ ڪم پئي ڪيم ۽ اوهان بہ WHO سان سلھاڙيل هيو ۽ امدادي ڪم ۾ مصروف هيو. هن گروپ ۾ اسان جا ٻاهر رهندڙ دوست اوهان، رزاق ڀٽو، اسدسومرو، رميش لال، اصغرشيخ، نثار، پرويزجبارصديقي ۽ ڪلاس جو ابن بطوطه منيرپتافي متعلق بہ ڄاڻ ملندي آ، اسان جا هندوستان ويل دوست گهٽ متحرڪ آهن خاص طور تي سرلاڪماري، ٻيا دوست بہ ٻاهر هوندا مگر مان نہ ٿو ڄاڻان، ۽ ها اسان جي ڪلاس جو ايڌي احمد سلطان لغاري پڻ فلاحي سرگرمين ۾ مصروف نظر اچي ٿو، مان پنھنجو Catharsis ڪندو آهيان، هن گروپ ۾ لکي.