ننڍو ماڪو، وڏو ماڪو
ھي فوٽو جنھن ۾ ٻہ ماڪا آھن، ساڄي کان ڊاڪٽر عثمان ماڪو ۽ کاٻي طرف ڊاڪٽر اسماعيل ماڪو. ھي فوٽو آھي جنھن ۾ اسان ٻئي ڄڻا ماسڪ سان گڏ رٽائرمينٽ کان پوء آھيون، اسان جا يا تہ اڪيلا فوٽو آھن يا دوستن سان گڏ گروپ فوٽو. اسان ٻئي چاچا، ڀائيٽيا آھيون اسان جي عمر ۾ فقط مھيني جو فرق آھي اسان پھرين کان وٺي ايم بي بي پاس ڪرڻ تائين گڏ رھيا ۽ پڙھيا آھيون، آءٌ سنھڙو ۽ ڊگهو ھوندو ھيس، ڊاڪٽر عثمان قد جو ننڍو ۽ بت ۾ ڀريل ھو، آءٌ پڙھڻ ۾ ھن کان ٿورو بھتر ھيس، عثمان ھڪ سياسي شاگرد جماعت جو ميمبر ھو ۽ مان ھڪ ادبي سماجي تنظيم (لطيف ميديڪوز جو ميمبر ھيس) پوءِ اھا بہ ڇڏي ڏني، آء ڪرڪٽ جو فاسٽ بالر ۽ عثمان وڪٽ ڪيپر ھوندو ھو، مان گهڻو ڪري ادبي سماجي سرگرمين ۾ حصو وٺندو ھوس، تقريري مقابلا، شاعري، مزاح، اسٽيج تي انائوسمينٽ، راندين جي ڪامنٽري ۽ ٻين ادبي سماجي پروگرامن ۾ حصو وٺندو ھوس، ايم بي بي ايس کان پوء علم بيھوشي ( Anaes thesia ۾ Post Graduation ڪئي، ۽ سکر ۾ ئي practice ڪئي ، عثمان ڪلينڪ کولي، مان وري لطيفيات، ڪالم، رانديون، ٽاڪ شو ، ٽي وي پروگرامن ۾ حصو وٺندو رھيس، عثمان خاموش رھيو، عثمان جو والد غلام محمد ماڪو سکر ۾ سياسي ماڻھو ھيو، ۽ يو سي 20 جو چيئرمين رھيو، ھن سان گڏ عثمان سياسي ويڙھاڪ رھنما ٿي اڀريو.