چانڊڪا جو گلابي ڇوڪرو
شھاب اوستو لئہ هي بہ بيچ ستين ۾ پڙهندو هو.
هو گلابي رنگت سان، گلابي پتين جھڙو ڪومل ۽ نرم هو. مان ان کي Preclinics ۾ ڏٺو هو عام رواجي پڙهندڙ هو. هن کي ميڊيڪل پڙهڻ ۾ ڪا بہ دلچسپي ڪا نہ هئي ۽ فرسٽ پروفيشن ۾ ٽنھي سبجيڪٽن ۾ ناپاس ٿيو هي ان شھر سان واسطو رکندو هو جيڪو خوبصورت محلاتن، سماج سيوڪن، شاعرن، تاجرن، خوبصورت باغن، سوادي کاڌن ۽ چنچل ڇوڪرن ڪري مشھور هو. شھر تي شاھہ شجاع پٺاڻ بہ قبضو ڪيو هو. مھر بہ هت لڏپلاڻ ڪري آيا راجستان کان جڏهن سنڌو درياه پنھنجو وهڪرو اروڙ کان سکر طرف ڪري ڇڏيو. مھر سنڌو ندي جي ساڄي طرف آباد ٿيا ۽ بلوچ لڏپلاڻ ڪري بروهي، مري، کوسا، جتوئي ٻيا قبيلا بہ هت آباد ٿيا. باگڙ خان جتوئيءَ باگڙجي جو شھر اڏيو ۽ اڄ کان اٽڪل 800 سال اڳ، شاھہ عثمان قريشي سھروردي جي والد جو باگڙجي ۾ استقبال ڪيو. شاھہ عثمان بھاول الدينرح ذڪريا ملتانيرح جو خليفو ٿيو. ان جي مزار فراش ڳوٺ سکر ۾ آهي. جڏهن 1000 سال اڳ سنڌ ۾ زلزلو آيو تہ ڀنڀور ۽ منصورہ مٽجي ويا. طور کان سومرا بہ لڏي آيا ۽ شڪارپور، جيڪب آباد طرف آباد ٿيا. شھر تجارتي ۽ معاشي ترقي ڪئي. اوهان تصور ڪيو 1900 جي ٽيھن واري ڏهاڪي ۾ راءِ بھادر اوڌو داس تارا چند اسپتال لاءِ هڪ لک روپيہ چندو ڏنو ۽ ائين سيتل داس ۽ چيلا سنگهہ C&S ڪاليج ٺهرائي ساميءَ سلوڪ بہ هت چيا. اياز بہ پنھنجي اوائلي شاعري هت ڪئي. ڊاڪٽر سارہ صديقي، ڊاڪٽر اعواڻ ۽ ڪئي ڏاهن هت جنم ورتو. سو مان چانڊڪا جي گلابي ڇوڪري متعلق ڳالھايان پيو. هن چانڊڪا کي الوداع چيو ۽ پوءِ ٻڌوسين تہ هن OMG گروپ ۾ CSS ڪئي آهي. ۽ پوءِ انڪم ٽئڪس گروپ ۾ هليو ويو پر گلابي ڇوڪري جو روح هميشہ بيچين رهيو ۽ هن پنھنجي خوشبو ڦھلائي، مان هن کي 2010 ۾ ڏٺو جتي هو وڏين گهراڻين جي فردن سان ۽ رضاڪارن سان منڇر ڪنارن تي ٻيڙي ۾ کاڌ خوراڪ ورهائيندو نظر آيو ۽ مان هن کي واٽر ڪميشن جي ميمبرن سان سنڌ جا دورا ڪندي ڏٺو جڏهن هن پاڻي لاءِ گندي پاڻي خلاف سپريم ڪورٽ ۾ پٽيشن فائيل ڪئي هئي ۽ شايد اڃان سوڌو اها جنگ وڙهي پيو. هن جي حق ۾ سنڌ پوليس مان رٽائر ٿيل آفيسر فداءَﷲ قريشي سکر جي رڪشائن تي بينر لڳرايا ۽ هاءِ ڪورٽ ڀرسان روڊ تي سبيل پڻ ٺاهي آهي جتي سائل ۽ مسافر پاڻي پي سگهن ٿا. تصور ڪيو اهو سنڌ جو هيرو شھاب اوستو آهي جنھن انڪم ٽئڪس گروپ مان رٽائرمينٽ ورتي آهي ۽ قانون جي پريڪٽس ڪري ٿو. تازو مرتضيٰ کھڙو بہ INCOM TAX مان رٽائر ٿيو آهي اميد ڪيان ٿو تہ هو خدمت وارو شھاب اوستي وارو دڳ وٺندو. انگريزيءَ مان ترجمو.