آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

جنريشن

اسان جنريشن xyz جي جڏهن ڳالھہ ڪيون ٿا اسان حقيقت پسندي کان هٽندي جائزي مفروضي تجزئي ڇيد، وصف قائم ڪرڻ، ظاهري مشاهدي مطالعي پنھنجي سوچ جي ريپراس ڪرڻ کان پوءِ وهي جي ذاتي تشريح تي لھي اچون ٿا ۽ وهي جي رويي عمل منزل سوچ اڀياس کي پيش ڪيون ٿا ۽ وڪالت ۾ اسان ڀلجي وڃون ٿا تہ انساني جينياتي جوڙ جڪ ۽ instinct scripts هن وٽ سوچ جي تبديلي ضرور ڪندا، هن وٽ ماديت، روحانيت، وجوديت، بقا، فنا ڇو، ڇالئہ جا سوال جواب ضرور پيدا ٿيندا پر ڪروڙن سالن کان ارتقا ورتل هنن جو انساني جين ٽيڪنالاجي جي نظر ٿيندو، معاشرن جا انساني قدر ائين ختم ٿيندا، اڄ جيڪا ٻہ ارب انساني غربت آهي، وڌي چئن اربن تائين وڌي ويندي ۽ انساني وسيلن جي ڦورن کي وقت سان هلندڙ تبديلي پسند ذهين شخص چئي جائز چئبو، کين خبر نہ آهي تہ مالٿس جي نظرئي تحت ٽسيلا جي خواب واري برقي مقناطيسي لھرن ۾ ورتل ڌرتي ڪٿي پاڻ ڏي ڪنھن شھاب ثاقب کي نہ گهلي وٺي ۽ ڌرتي وري سنڍ نہ ٿي پئي هر وهي کي ڌرتي چنڊ سج وانگر محور گردشين ڦيرن کي ساڪنيت ۾ رهڻ کپي بس ڪنھن آڏو اچڻ سان وقتي گرهڻ انڌيرو ڪري وري روشني موٽائي ڏي ٿي.