آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

The family history

مريض جي خاندان ۾ ڪھڙي عزت و احترام آهي. جيڪڏهن شادي شدہ آهي تہ پوءِ ان کي ڪيترا ٻار آهن. انھن جون عمريون ڪيتريون آهن. ۽ انھن جي صحت ڪيئن آهي. جيڪڏهن خاندان ۾ ڪي موروثي بيماريون اٿن تہ انھن متعلق پڻ پڇجي. ۽ ان کان پوءِ پڇجي تہ اهي هن جا ڪيترا ويجها آهن. جن تي خانداني بيماريون اثر انداز ٿيون آهن. انھن جو تعداد ڪيترو آهي. ۽ ڪيترا انھن بيمارين کان بچيل آهن.
سماجي ۽ ڌنڌن جو احوال The social and occupational history:
مريض کان هن جي جسماني ۽ جذباتي حالتن متعلق پڇيو. هن جي ڪم ۽ گهرجي چوڌاري جيڪي شيون آهن انھن متعلق معلومات حاصل ڪريو. هن جون پنھنجون عادتون ڪيئن آهن۽ هن جو ڪم متعلق ذاتي رايو ڪيئن آهي، ان کان پوءِ هن جي زندگي جو تصوراتي خاڪو تيار ڪريو. ڏاڪي بہ ڏاڪي هن جا جذبات، هن کان خاندان، کاڌي ڪم ۽ عادتن متعلق معلوم ڪريو. ۽ پوءِ هن جي زندگي جي اهم واقعي يا ڏينھن متعلق معلوم ڪريو.