آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

مارئي

جڏهن اڍيجو پيءُ پنھنجي ڌي سنڌراڻي کي ميرن جي درٻار ۾ وٺي ويو تہ مير صاحب فرمان جاري ڪيو تہ اها ڇوڪري مير جي نڪاح ۾ ڏني وڃي. جيئن تہ اها ڇوڪري ننڍڙي هئي ۽ شاديءَ لاءِ انتظار ڪرڻ جو چيوويو، ميرصاحب عمر رسيده ۽ بيمار هو ۽ شاديءَ کان اڳ مري ويو، جيئن تہ اها ڇوڪري ميرصاحب جي مڱ هئي ۽ ان جي شادي مير سان ٿيڻي هئي، درٻارلڳي ۽ چيو ويو تہ جيڪو مير ان سان شادي ڪندو تہ ملڪيت تان هٿ کڻندو، حسن هٿان مير باگو ڪسجي ويو، ان سنڌراڻيءَ سان نڪاح ڪيو ۽ زمينون آباد ڪرائي ٽنڊي باگي جو شھر جوڙايو. ان دوران شاديءَ ۾ رڪاوٽ بڻجندڙ، سنڌراڻيءَ جي پيءُ ۽ ڀاءُ کي عذر سان مارايو ويو. سوال اِهو آهي تہ اسان جي خوبصورت ٻارن کي ڪھڙا سماجي خطرا آهن ۽ انھن کي ڪيئن خبردار ۽ ٽرينڊ ڪجي، ڇو جو انھن کي حاصل ڪرڻ لاءِ ڪھڙيون چالون هلن ٿا، پريم، عشق، ان ڇوڪريءَ جي ذهن تي جو ڪو ماڻھو سوار ٿئي ٿو تہ پريمي جوڙا، ڪورٽ مئريجون، پيءَ کان خطرو تحفظ جون درخواستون، قتل، خودڪشيون، ڪالھہ مان ڊاڪٽر ماها شاھہ جو موت ٻڌي خوفزدہ ٿي ويس. سو مارئي بہ حسن ڪري اغوا ٿي. ان تي سڀ لوازماتون، تڪليفون آزمايون ويون پر هو پنھنجي ماڳن، گسن، ساهيڙين، ماحول سان ايتري تہ جڙيل رهي، جو ان عمر کي چيو تہ مون کي ماروئڙن سڃ ڳڻائي سيج ۾، سوان جي خوشحالي، غربت سان جڙيل مضبوط رشتي ۾ هئي. اچو تہ پنھنجي ٻارن جي تربيت ڪيون، انھن سان مضبوط رشتو جوڙيون ۽ انھن کي پاڻ سان جوڙي رکون.