شھيد عزيز ﷲ چانڊيو
پراڻي سکر سان نہ فقط سيد، ھندو، دل، ڌاريجا، شيخ، قريشي، پٺاڻ، سومرا، سما، ماڪا، مھر، ميمڻ، لانگاھ، ڪوري، سامٽيا، پيار ڪن ٿا، پر پراڻي سکر جا چانڊيا بہ شھر سان نرالو پيار ڪن ٿا، شھيد عزيزﷲ چانڊيو شھر تان قربان ٿيو، ان جو سياسي حصو ڊاڪٽر نصرﷲ بلوچ کي مليو، نصرﷲ بلوچ عمر جي آخري پنجاھين ۾ آھي، ان خاندان جا ڊاڪٽر، انجنيئر ، آفيسر آھن ۽ گهڻا شھر کان ٻاھر رھن ٿا. پر اڄ بہ پراڻي سکر جي تاريڪ گهٽين ۾ ھيموڪالاڻي جيان جنھن کي آزادي لاء انگريزن کيس ڪچڙي جواني ۾ ڦاھي چاڙھي ڇڏيو. ائين عزيز بلوچ جي مضبوط آواز جو پڙاڏو ٻڌڻ ۾ ايندو آھي، ۽ اھو آواز شھر جي دشمنن کي پري رکڻ تي مجبور ڪري ٿو ۽ ان جي رت جي خوشبو شھر جي گهٽين چوراھن ، بازارن ۽ روڊن تي محسوس ٿيندي آھي، خنجر سان دشمن جيڪو شھر کي زخمي ڪرڻ آيو ھو، ان جو زخم عزيزﷲ چانڊيو کاڌو ۽ شھر کي بچائي ورتو، ھي پاڻ ڳاڙھو ٿي شھر جي سفيدي کي بچائي ويو، اڄ جيڪا شھر ۾ سياسي فتح جنھن پارٽي کي آھي اھا ان قرباني سبب ئي آھي ، ان متعلق وڌيڪ نہ ٿو ڄاڻيان پر جڏھن بہ وڪٽوريا مارڪيٽ مان گهنٽا گهر تان سبزي ، گوشت، مڇي، فروٽ وٺي ايندو آھيان تہ ھو مونکي اتي معصوم شاھ جي مناري کان وڏو خيالن ۾ نظر ايندو آ، جيڪو شھر جي حفاظت تي روحاني طور مامور آھي، ھن جي نالي تي ڪرڪيٽ ٽورنامينٽ بہ ٿيندي آھي ، مان ھن جي قرباني عيوض چاھيان ٿو تہ ڪا يونيورسٽي ، ڪاليج ، اسپتال روڊ قائم ڪيو وڃي. انگريزيءَ مان ترجمو ٿيل.