آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

ڊاڪٽر سعيد آخوند جو والد صاحب آخوند گل محمد:

آخوند سنڌي ۾ لقب، آخوند روحاني طور تعليمي رهنما آهن. اهي قدرتي ڏاهپ سان نوازيل هوندا آهن تہ اهي تعليمي، باهمي تعليمي تعاون ۽ ايڪي سان انساني رستن جي اونده کي پري ڪن ٿا ۽ انسانن کي سمجهہ جي روشني ڏين ٿا تہ جيئن انسان انسانيت جي ارتقائي رستي تي هلندي انساني معيارن ۽ انسان جي برتري برقرار رکن، اهي انتھائي صاف، صوفي روح آهن، ۽ اهي يوگي آهن جيڪي انساني جسم ۽ روح (ذهن) کي هڪ اعليٰ تار ۾ اڻن ٿا. انسانن جي برابريءَ واري روحاني سفر جا رهنما آهن. حقيقت ۾ اهي استاد هم اوست جي قالب ۾ جسماني وجودي حيثيت کي روحاني ڪيفيت ۾ آڻي ڇڏين ٿا ۽ انسان ڄڻ بي وزني ءَ جي ڪيفيت ۾ خلائي مدارن ۾ گهمندي پنھنجي سموري آڪڙ وڃائي بس هڪ نقطي تي سمائجي مون ۾ آهين تون جو سبق پڙهن ٿا ۽ ائين خالق ۽ مخلوق ۽ مخلوق جي وچ ۾ سمورا رستا مخلوق کي خالق جي ويجهو ڪن ٿا. سو ساٿيو انساني جين تمام اهم جين آهي. جنھن ۾ انسانيت ئي انسانيت ڀريل آ، سو سکر جا آخوند. آخوند محمدپنجل، آخوند فقير محمد، آخوند فيض محمد، عبدالغفور، نيازعلي، عبدالغفار ولي محمد، ابوبڪر، نڀايو. اهي تعليم، سياست، عدل، ۽ پوليس ۾ بہ رهيا آهن انھن جي وڏي عزت ۽ احترام رهيو آ. پر جنھن زندگيءَ جي قيمت ڄاتي ۽ ڪوشش ڪئي تہ انسانن جا زخم ۽ اهنج ختم ڪجن، اهو آخوند گل محمد هو، اهو تہ سون جھڙو ماڻھو هو ۽ ان مان سون جھڙي روشني ئي نڪتي. جنھن انھن جا زخم ختم ڪيا، گل سون جو دڪان سکر جو مشھور سون جو دڪان هو. سکر جي شاهي بازار ۾ سکر جا سڀ معتبر گهراڻا ان دڪان تان سون وٺندا هئا. ۽ اتان ئي جوڙن جي ابتدائي رسمن جون منڊيون ۽ ازدواجي رشتي ۾ ٻڌجڻ جي ڏينھن جا زيور ورتا ويندا هئا ۽ ماڻھن کي ڄڻ اعتماد هو تہ اتان جون ورتل منڊيون پائيدار ازدواجي ٻنڌڻ جي گارنٽي هيون. جڏهن آءٌ ننڍڙو هوس تہ پنھنجي گهر وارن ۽ بابا سان ان دوڪان تي ويندو هوس. جتي منھنجي خاندان جا ماڻھو زيور وٺندا هئا. هڪ مدهم معتبر پيار ڀريو آواز آڌرڀاءُ ڪندو هو پيار ۽ مھمان نوازيءَ ۾ هن جو ڪو بہ مٽ نہ هو. شاهي بازار سکر ۾ مشھور سنڌي شاعر ولي دائود پوٽي جو دڪان هو ۽ ڊاڪٽر شڪيل عباسيءَ وارن جو پڻ سون جو دڪان هو. سکر جي طبي تاريخ طويل آهي. پر هن ماڻھوءَ خوابن ۾ هڪ اهڙو خواب ڏٺو هو جتي انساني صحت لئہ ڪو آشرم کپي پيو. هڪ ڏينھن چاچو گل محمد سکر ۾ مليو منھنجي بابا لئہ پڇيائين ۽ چيائين ڇا پيو ڪرين چيومانس ڊاڪٽر آهيان ڇڪي ڀاڪر پاتائين منھنجو پٽ ڊاڪٽر سعيد آخوند، هڪ اهڙي اسپتال ٺاهي پيو جيئن مريضن کي علاج لاءِ ٻين شھرن ۾ ريفر نہ ڪجي ۽ مريضن جون دوران سفر موتن کي گهٽائي سگهجي. مونکي يقين نہ آيو تہ سکر ۾ ماهر ڊاڪٽر گهٽ آهن ماڻھو ايڏا امير بہ نہ آهن ۽ ڪئي انيڪ مسئلا آهن پر مان جڏهن ان جي پر عزم چمڪندڙ اکين ۾ ڏٺو تہ مان سمجهي ويس تہ انھن اکين جا خواب ضرور ساڀيان ماڻيندا.
هڪ دفعي ڊاڪٽر سعيد آخوند وٽ ويس جيڪو ٽن ڪمرن واري اسپتال ۾ tonsillectomy پيو ڪري هن پڻ پنھنجي بابا واري ڳالھہ ڪئي مون کي وري بہ مشڪل لڳو پر جنھن شخص ماڻھن جي خوشين ۾ اضافي آڻڻ جي خواهش ڪئي هئي تہ انھن کي صحت جون بھترين سھولتون ڏجن. انھن جي کل کي ٿورو وڌائجي ۽ اکيون خوشيءَ جي ڳوڙهن سان ٽمٽار ٿين سو ان شخص جا خواب ڇو نہ ساڀيان ماڻن. هڪ ڏينھن منھنجي ڀائٽي ڊاڪٽر عثمان جي ڀيڻ myasthenia grievous طور diagnose ٿي ان جي طبيعت انتھائي خراب هئي ان کي ويم جا سور شروع ٿي چڪا هئا. فزيشن چيو تہ ڪراچي کڻائي وڃو. سو ڪراچي 8 ڪلاڪ سفر مشڪل هو. عورتن جي ماهر ڊاڪٽر شبانہ سولنگي چيو اسپتال وارا راضي ٿين تہ مان هت ويم ڪرائيندس. ڇو تہ هتي ICU ۾ ventilator آهي ڪجهہ ڪلاڪن کان پوءِ ڊاڪٽر هٿ ۾ ڪافيءَ جو مگ پڪڙي اچي مبارڪ ڏني. مان گل محمد آخوند جو تصوراتي عڪس ڏٺو جيڪو مريضن لاءِ دعائون گهرندي نظر آيو.
مان ٻڌائيندو هلان تہ اسان جي اها ڀائٽي جيئن ئي پيدا ٿي تہ ويم وقت ئي ان جي امڙ (ڊاڪٽر عثمان جي والده) لاڏاڻو ڪري وئي مان رسيپشن تي آخوند گل محمد جي وڏي شاندار تصوير ڏسان ٿو ۽ حرا اسپتال سکر ۾ زندگيءَ جي هلچل ۽ مون کي ائين محسوس ٿيو جيئن اهو گل محمد آخوند جو فوٽو، ماڻھن جون خوشيون، ٽھڪ ٻڌي ٿو ۽ ڪن مريضن جي مائٽن جو دانھون بہ ٻڌان ٿو جيڪي ابدي سفر تي وڃڻ وارا آهن سو آخوند گل محمد جي خواب تعبير ماڻي آهي. حرا اسپتال ۾ ICU ٻارن جو وارڊ، ميڊيڪل، سرجيڪل، عورتن جي بيمارين جو وارڊ، سرجري، نيورو، ميڊيسن، چيسٽ، فزيوٿراپي، دل جي Angiography پيٿالاجي ڊپارٽمينٽ، C. T، MRI ۽ گهڻيون ئي طبي سھولتون موجود آهن. سو سکر ۾ معياري طبي سھولتن جو بانيڪار گل محمد آخوند آهي. اسپتال پرائيويٽ آهي ڪجهہ مريض بلن جي شڪايت بہ ڪن ٿا. سو جيڪڏهن اوهان ڪار رکو ٿا تہ ان جا خرچ بہ برداشت ڪرڻا پون ٿا ڊاڪٽر سعيد آخوند حرا اسپتال سٺي طريقي سان هلائي ﷲ کيس وڏي ڄمار ڏي.