آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

ٿڌڙي

ٿڌڙي اصل ۾ سنڌي هندن جو ڏڻ آهي. اِهو هندستان جي ٻين علائقن ۾ پڻ ملھايو ويندو آهي. راکيءَ کان هڪ هفتو پوءِ، قديمي چوڻي موجب ماتا ۽ ٻين چيچڪي بيمارين جي ديوي کي راضي رکڻ لاءِ، اڳي جڏهن ماتا جي بيماري ٿيندي هئي تہ مريض کي اڪيلائي ۾ رکيو ويندو هو. جيستائين بيماري ختم نہ ٿئي. ان کي چلو چيو ويندو آ. ۽ جڏهن 14 پندرهين ڏينھن مريض ٺيڪ ٿيندو هو تہ ان کي تڙ وغيرہ ڪرايو ويندو هو ۽ روٽ يا مٺيون مانيون پچائيندا هئا ۽ ڀڄن ڳايو ويندو هو. ”ٺار ماتا ٺار“ منھنجي ٻچڙن کي ٺار، پر هاڻي اُهي رسمون ٿڌڙي جي ڏڻ لاءِ پڻ آهن. ٿڌڙيءَ جو ڏينھن بہ مقرر ٿيل آ، ان ڏينھن مٺيون روٽيون، لولا، بيسڻ، دال ۽ سبزيون ڀينڊيون ڪريلا پچايا ويندا آهن ۽ کاڌو ٻئي ڏينھن کاڌو ويندو آهي. کاڌو ٿڌو کاڌو ويندو آهي. ان تي هندو دوست وڌيڪ لکي سگهن ٿا.