ٻار جو اسپتالي جائزو
ٻار جو معائنو صبر ۽ تحمل سان ڪبو آهي. ٻار ۽ ان جي ماءُ دوستانہ (عزت ڀرئي) رويي جو خير مقدم ڪندا آهن ۽ ٻار پڻ رانديڪن جي پسند ٻڌائيندو آهي.
ان کان بعد ۾ ٻار جي ماءُ کان حال احوال ڪجي، ٻار جي ماءُ سان ڳالھائڻ وقت جاچيندڙ ڪجهہ ڳالھين جو خيال ڪري هو ٻار ڏي ڏسي، هو چڱو ڀلو لڳي ٿو يا بيمار هو سرد مزاج (بي درد) يا چست آهي يا وري ڍرو آهي. ڇا هن جي منھن ۾ ڪا غير ضروري شيءِ تہ ڪانھي ڇا ڪو جسماني عيب عيان آهي يا نہ، ٻار کاڌل پيتل آهي يا ڏٻرو، ڇا ٻار کي ساھہ کڻڻ ۾ تڪليف تہ نہ ٿي ٿئي.
عام رواجي جانچ ۾ ساھہ ۽ نبض جي رفتار ڏسجي. نئون ڄاول ٻار هڪ منٽ ۾ 40 دفعا ساھہ کڻندو آهي. ٻئي سال ۾ 25 دفعا ۽ پنجين سال ۾ 20 دفعا ساھہ کڻندو آهي. آرام جي حالت ۾ ٻار جي ساھہ کڻڻ جي رفتار، ان ۾ دل يا ڦڦڙن جي ڪنھن بيماريءَ جي نشاندهي ڪنديون آهن.
ساھہ ۽ نبض جو تناسب 1 : 3 هوندو آهي.
نون ڄاول ٻارن ۾ نبض جي رفتار ڇھي ڪري يا چڪاسڻي سان ٻڌي ڪري معلوم ڪبي آهي ڇاتيءَ تي.