محمود راهوجو، منھنجو پرين
سچ پڇو تہ آئون پرين کي گهڻو نہ سڃاڻان نہ ان لاءِ ڪا گهڻي خبر آهي. ڪرڪيٽ جي ڪامنٽري دوران شايد سنتوش ڪمار ميھڙ وارو شاگرد منھنجو سڃاڻو هو ان هن جو تعارف پرين طورڪرايو. جيئن تہ اسان ماڪا لطيف جا مريد آهيون ۽ گهرن ۾ شاھہ جو رسالو هوندو هو مان جڏهن ڇھين درجي ۾ پھتس تہ مون کي پنھنجي پيءَ نواب خان 1900 جو هنسراج هريسنگ جو سکر مان ڇپيل رسالو پڙهائڻ شروع ڪيو تہ آءٌ لفظ پرين ۽ سپرين سان آشنا ٿيس. جڏهن ان ڇوڪري جو نالو پرين ٻڌايو تہ آءٌ ڏاڍو حيران ٿيس تہ هي بہ ڪنھن جو پرين آهي. اهو تہ هاڻي محمود ئي ٻڌائي سگهي ٿو تہ هن تي پرين نالو ڪيئن پيو پوءِ هن جي حادثي جي خبر پئي مون ۾ همت ئي نہ ٿي تہ ان کان پڇان ان سان ملان پر جڏهن بہ ڪنھن پرين پياري سان مليس تہ پرين ۽ ان جو درد پيڙا ڀوڳيندو رهيس. سچ پڇو تہ اڄ جڏهن ٻڌو آهي تہ هو سيٽ آهي، خوش آهي تہ منھنجو من خوش ٿي ويو آهي، شابس آ رياض ۽ ذوالفقار کيجن پرين جو احوال ٻڌائي نئين سر جيئاري ڇڏيو. شاھہ جي هن بيت وانگر:
مونکي جيئاريوپرين جي ڳالھہ ڪري،
ڊٺو اڄ آڏيو هينئڙو ڪوٽ برج جيئن.