آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

ساميءَ جي شھر جي ڇوڪري

سامي، اياز، نماڻو فقير، ڊاڪٽر سارہ صديقي جي شھر جي ڇوڪري ڊاڪٽرانيلا عطاءَ الرحمان شھيد محترمہ بي نظير ڀٽو يونيورسٽيءَ جي وائيس چانسلر جي چارج سنڀالي آهي، هو روايتي بلوچ خاندان سان تعلق رکي ٿي هن جو والد صاحب محمد صديق کوسو، هڪ ايماندار ۽ قابل ڀروسي واري شخص هو. جنھن نياڻين جي تعليم ۾ پيش ايندڙ رڪاوٽن جاگيردارن، وڏيرن ۽ قبائلي ماڻھن جي پابندين جي ڪا بہ پرواھہ نہ ڪئي ۽ پنھنجون ٻئي نياڻيون، ڊاڪٽر ڪيون، ڊاڪٽر انيلا وائيس چانسلر شھيد بي نظير ڀٽو يونيورسٽي لاڙڪاڻو ۽ ڊاڪٽر نائلا کوسو جيڪا DHO آفيس شڪارپور ۾ هيلٿ آفيسر آهي. مان ڊاڪٽر انيلا جي حق ۾ ڪجهہ نہ ٿو چوڻ چاهيان پر اهي ماڻھو جيڪي نياڻين جي تعليم، انھن جي شراڪت وارو، سماج ۾ انھن جو ڪردار ڏسڻ چاهين ٿا ۽ سنڌي ڇوڪرين جي اڳتي اچڻ جي ڳالھہ ڪن ٿا اُهي فيس بڪ، ٽوئيٽر جي پيغامن مان اڳواٽ راءِ قائم نہ ڪن پر اُهي جيڪي لفظي رٿابنديءَ جا ماهر آهن انھن کي هڪ غير جانبدرانہ حقيقي پسنديءَ جو تجزيو ڪرڻو پوندو ۽ تنقيدي جائزي پيش ڪرڻ وقت سنڌ جي صحت جي ادارن جي زميني حقيقتن کي بہ ڏسڻو پوندو ۽ تعليمي ۽ صحت جي ادارن کي تباھہ ڪندڙ مافيائن کي بہ ڏسڻو پوندو. اُهي ڪڏهن بہ ادارن جي عزت ۽ ادارن جو اڳتي وڌڻ نہ ٿا چاهين ۽ اُهي هڙتالن، ڪورٽن جي اسٽي آرڊرن ۽ سوشل ميڊيا ذريعي دٻاءُ وجهن ٿا. مان ڊاڪٽر انيلا جي حمايت ۽ اُن کي هيروئڻ ڪري پيش نہ ٿو ڪيان ۽ اهو بہ ٿو چوان تہ ڇا صحيح آهي يا ڇا غلط ملازمن جا مطالبا صحيح آهن يا غلط. پر هر هنڌ هر سسٽم اندر هڪڙو بيڪار سسٽم آهي جنھن ۾ ماڻھو پنھنجي ذاتي مفادن کي اوليت ڏين ٿا ۽ اُهي مشڪلاتون صحت ۽ تعليم جي ادارن ۾ آهن. ڊاڪٽر انيلا ٻاهر پڙهي ۽ رهي آهي هن ڄامشورو ۾ لياقت يونيورسٽي ۾ ڪم ڪيو آهي ۽ چڱي ريت ڄاڻي ٿي تہ شاگردن، ملازمن ۽ استادن جون ڇا مشڪلاتون آهن هن جو گهر وارو بہ مھراڻ يونيورسٽي ۾ ملازم رهيو آهي هو روزانو سنڌ، مھراڻ ۽ لياقت يونيورسٽي جي روڊن تان گذري آهي، هوءَ هڪ ايماندار اڳواڻ آهي ۽ مون کي يقين آهي تہ هوءَ شھيد محترم بي نظير يونيورسٽيءَ جو معيار وڌائيندي. هوءَ آهني عورت آهي هن تي دٻاءُ وجهي الٽو ڪار ۾ يونيورسٽي اچڻ تي مجبور نہ ٿو ڪري سگهجي هن کي آفيسرن جي ۽ انتظامي ڪلچر جي پوري ڄاڻ آهي. هوءَ چڱيءَ طريقي سان ميڊيا، ۽ سياسي دٻاءُ کي منھن ڏئي سگهي ٿي. هوءَ ڪڏهن بہ نہ چاهيندي تہ هن جي اداري سان ڪا ناانصافي ٿئي. هوءَ هڪ صوفي روح آهي ۽ هميشہ انصاف ۽ ميرٽ جي قائل آهي. هوءَ روايتي سنڌي عورت آهي. جنھن وٽ همت حوصلو، رحم ۽ محبت آهي جيڪا هوءَ پنھنجي ڌرتي ۽ ماڻھن سان ڪري ٿي هوءَ بھادر عورت آهي. ”هي منھنجو ذاتي رايو آهي ۽ ٻيا اختلاف رکي سگهن ٿا“.

(انگريزيءَ مان ترجمو)