آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

گهريلو احتياط

مان گهر ۾ ڏوئي، منڌيڻو، سوٽي، اکري مھري، لٺ باٺو، ويلڻ، کُرپي، هٿوڙو ڇيڻي، واهولو، رنبي، ڪو ڀڻڇي ڀالو، سرسروٽو، ڪو پٿر، ڪوڏر، ڪھاڙي، بيلچو، چنجور، ڪاتي ڇري، چاقو ڪات، پيچڪش، انبور، گرمٽ، بندوق، پستول، تمنچو، رائفل، راڪيٽ لانچر، گهن مشين، رکان ئي ڪونہ، گهر ۾ پٽاٽا، گجر، موري، گوگڙون، ڪچالو، صوف، مالٽا، ناسپاتي، پپيتو، سردو، گرمو، گدرو، هنداڻو انڊو آڻيان ئي ڪونہ، ان لاءِ ڌڪن کان بچيو پيوآهيان، باقي پاڻ ڊبل روٽي سلاد سان کائون، گهر پلاسٽڪ جو، سمھون پلال تي، پياري منيرپتافي لاءِ حفاظتي گهريلو نسخو.