آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

بيچ 7 گروپ

منير پتافي گروپ جو روح آھي، ھميشہ کل ۾ مصروف رھي ٿو، رياض ھيسباڻي گروپ جو مرڪز nucleus آھي. منير ATP آھي جيڪو گروپ کي توانائي ڏي ٿو، مرتضٰي کھڙو، رحمان پيرزادو، ملڪ جلباڻي، نور شيخ، ڊاڪٽر راھوجو، عطا صديقي، افسر شاھ، عثمان ماڪوسڀ ڪلاسي اھم آھن. اسان ائين ڳنڍيل آھيون جيئن aminoacids جي binding آھي ۽ ائين جيئن گل ۽ ميوو وڻ ۾ ھوندو آھي، گلن جي نرالي خوشبو ھوندي آھي ۽ ميوي جو نرالو سواد ، ائين اسان جي بيچ 7 ھڪ وڻ وانگر آھي جيڪو مڪمل سائو ۽ پيوند ٿيل آھي، دوست پنھنجون يادگيريون ڦوٽو،خيال، ليک، تقريبون ۽ videos گروپ تي موڪليندا آھن تہ خوشي جا لمحا اچي ويندا آھن جڏھن دوست مٺڙي تنقيد ڪن ٿا، افسوس ڪن ٿا، کلن ٿا، رسن ٿا تہ مونکي بي انتھا سرور اچي ٿو، اصل ۾ دوستن جا رساما ٿوري ڪاوڙ ، پاڻ ئي پرچي وڃڻ ۽ ھڪ ٻئي لاءِ گهڻو پيار اسان جي ڪلاس جي ڇوڪرن جو ھن گروپ ۾ پڻ اھو ڪردار آھي. اسان جا دوست مختلف شعبن ۾ پڻ آھن، مرتضٰي کھڙو CSS، رفيق ٻانڀڻ MPA، اياز تنيو (سابقه خاص معاون) ٻاھر رھندڙ دوست ناصر جمال، پرويز، رزاق ڀٽو، نثار وساڻ، رميش لال، سلطان لغاري، سرلاڪماري، اصغر گولو، ۽ ھندو دوست، خاص طور تي پرمانند، ٿاڻي بولاخاني، گلگتي، ڪشميري ۽ پنجابي دوست ، اسلم انصاري، مقيم، آفتاب خالد، تحسين، (اردو ڳالھائيندڙ دوست) ڪڏھن ڪڏھن ذڪر ۾ ايندڙ نديم عليم آفريدي، قمر چانڊيو، نجيب بگٽي، مذھبي عالم دوست حسن ابڙو، مستقيم، قربان شيخ، مزاحيہ افسر شاھ، مامو نذير اعواڻ، نذير تنيو، تاش جو بادشاھ اشرف ڪلوڙ، ادبي سياسي دوست شريف پنھور، اسان جو راڳي دوست مير نذير، شھزادو دايو، ناگن ڊانس مشھور سابق DHO شڪارپور ، شبير شيخ، مرشد اعجاز شاھ، امجد شاھ، عظيم شاھ، رجب ديناري، قربان لغاري، قربان ترين آغايشاء ﷲ، ڊاڪٽر چاندي رام، صادق لاشاري، انڙ، پروفيسر ابرار، نجيب، مشتاق سولنگي، زاھد ڏواچ DHO, ڪلاسي ستارن جي گهڻي لسٽ آ، يار رياض ھيسباڻي ھر دوست جو current status تهshare ڪر.