آتم ڪٿا / آٽوبايوگرافي

چانڊڪا ۽ ملينيئم گرل (يادگيريون)

سدائين مُرڪندڙ چھري وارو ڊاڪٽر محمد اسماعيل ماڪو. ڊاڪٽر تہ ڀلو ۽ ماهر آهي، پر اُن کا وڌيڪ اِنسان دوست ۽ آدميت جو احترام ڪندڙ آهي. سڄاڻ ليکڪ ۽ شاعر. لطيفي فڪر کي پنهنجي نظر سان پرکيندڙ ۽ بيان ڪندڙ ۽ ڪمال جو داستان گو آهي. ڪتاب ”چانڊڪا ۽ ملينيئم گرل“ چانڊڪا ميڊيڪل ڪاليج جي يادگيرين ۽ واٽس ايپ گروپ تي لکيل مضمونن ۽ نثري ٽڪرن تي مشتمل دلچسپ ڪتاب آھي. ڪتاب ۾ رڳو شاگردن ۽ استادن جا قصا ناھن پر ڪيتريون ئي يادون، دلچسپيون ۽ تاريخي ڳالھيون پڻ شامل آھن. ڪتاب جي آخر ۾ ڊاڪٽر ماڪي، پنھنجن واسطيدار ڊاڪٽرن جا مختصر تعارف بہ شامل ڪيا آهن، جيڪي هڪ تسلسل ۾ هن ڪتاب جو حصو آهن.
Title Cover of book چانڊڪا ۽ ملينيئم گرل (يادگيريون)

ڊاڪٽر ذوالفقار راهوجي جي شعر جي تجريدي تشريح:

ورھہ ٿيا هن وري ڄڻ خزان جيان دل ڇڻي، پيار يادون سڪل پنن جيان پيو ٿو ميڙيان، پريم اڱڻ تان، نہ ڪنڱڻ وڳا هن نہ چوڙين چرچو، ڳچي هار ٻانھن جيان اڄ اڃان ڀي سالم، مگر ٽٽي ٿو سپنو، خاردار تارون دل سرحدن تي ڇڙو اڏاڻا سنديس پنھنجا، ڇنڊيا هن وار جهٽڪي ڪريا ها ڳوڙها بوند بنجي، هوا اڏاڻا نير پنھنجا، بادلن جي پرن تي ويھي، ڏينھن جي 60 هزار خيالن ۾ متان ڪا ياد منھنجي پيار احترام ويس ۾، خاموش نظرون اداس چھرو نہ چيل لفظ، خيال ۾ ئي کڻي سوچي وٺين، هو چاهيندو هو گهڻو پر احترام جي پابندين ۾، چئي نہ سگهيو. مان
توسان ڪيان پيار ٿو.