حاضر شڪايت The Presenting Complaint
ڪيترن ئي مريضن کي، جن کي جسماني بيماريون هونديون ڪا ايڏي وڏي تڪليف نہ هوندي آ، يا تہ انھن کي پيٽ ۾ سور هوندو يا هنن کي مٿي ۾ سور هوندو يا ننڍا ساھہ يا ساھہ کڻڻ ۾ تڪليف جي شڪايت ڪندو آهي.
جڏهن اوهان مريض جي حاضر شڪايت لکو تہ ان لالچ ۾ نہ پئو تہ اتي اوهان مختصر حال احوال بہ لکي وٺو. ڪيترن ئي مريضن ۾ فقط هڪ ئي وڏي تڪليف هوندي آهي جنھن ڪري مريض ڊاڪٽر وٽ ايندو آهي. اها تڪليف ئي تشريح گهرندي آهي ۽ نمايان لکڻي پوندي آهي.
ڪيترن ئي مريضن ۾ هڪ کان وڌيڪ تڪليفون هونديون آهن جن مان اها ڳالھہ مشڪل ٿيندي آهي تہ مريض جي اصل وڏي تڪليف ڪھڙي آهي؟
جڏهن اوهان مريض کان پڇندئو تہ ان تڪليف کي ڪيترو عرصو ٿيو آهي، تہ گهٽ مريض ئي صحيح ٻڌائيندا تہ کين تڪليف کي ڪيترو وقت ٿيو آهي، خاص طور تي پوڙها تہ اها ڳالھہ ڪو نہ ياد ڪندا آهن تہ کين ڪيتري عرصي کان تڪليف آهي.
ڪيترائي مريض پنھنجي پراڻي تندرستي بابت گهٽ ئي ٻڌائيندا آهن جيڪي ماڻھو پنھنجي پراڻي بيماريءَ جي يادگيريءَ متعلق گهٽ ڄاڻندا آهن يا شڪ ڪندا آهن اهي اڪثريتي وهمي ٿيندا آهن.
ڪيترن مريضن کي جن ۾ ڪافي عرصي کان بيماريءَ جو علامتون محسوس ڪرڻ جي عادت هوندي آهي اهي تاريخ ياد ڪو نہ ڪندا آهن. حتيٰ ڪہ سال بہ نہ ٻڌائيندا آهن تہ کين ڪھڙي سال ۾ بيماري جون نشانيون ظاهر ٿيون، اهي مريض عجيب غريب ڳالھہ ڪندا آهن مثلا چوندا تہ اسان کي اها شڪايت عام چونڊن جي موقعي تي ٿي يا ڪا عورت ٻڌائيندي تہ اها شڪايت کيس مڙس جي مرڻ کان پوءِ ٿي آهي.
جيڪڏهن اوهان مريض تي پورو پورو توجھہ ڏيو تہ اهي پنھنجي شڪايت جو مدو ٻڌائي سگهن ٿا يا اوهان ان جو صحيح اندازو لڳائي سگهو ٿا.
جيڪڏهن اوهان ذهانت جو مظاهرو ڪندي مريض کان پڇندئو تہ ڇا توکي هن تڪليف کان اڳ ۾ ڪا شڪايت هئي، يا اوهان مريض کان اهو پڇو تہ اڳ ۾ تون ڪڏهن بلڪل ٺيڪ ٺاڪ هئين.
اهڙن سوالن پڇڻ سان مريض جن شين يا تڪليفن کي غير اهم سمجهندو آهي اهي ٻڌائي ڇڏيندو. اهڙي طريقي مريض جي نظر ۾ غير اهم پر طبي دنيا جون انتھائي ڪارآمد ڳالھيون ظاهر ٿي پونديون آهن. مريض عموما اهو چوندا آهن تہ هنن کي خطرناڪ بيماري آهي بجاءِ ان چوڻ جي تہ هن کي ڪيتري عرصي کان تڪليف آهي. حاضر شڪايتون توهان مدي يا وقت آڌار نمبر وار لکو.
مثلا: مريض کي هڪ سال کان پيٽ ۾ سور آهي، 5 مھينن کان الٽي آهي، 4 مھينن کان دست آهن ۽ هڪ مھيني کان بخار آهي تہ اهي ڳالھيون هيٺين طريقي سان لکيون وينديون آهن.
پيٽ ۾ سور هڪ سال کان
الٽي5 مھينن کان
دست4 مھينن کان
بخار1 مھيني کان
جيڪا شڪايت تمام گهڻي عرصي کان آهي اها پھرئين لکڻي پوندي آهي ۽ جيڪا آخر ۾ ٿيندي اٿس اها آخر ۾ لکڻي پوندي آهي.